Verkefnastjóri Reykjanes UNESCO Global Geopark

Reykjanes UNESCO Global Geopark leitar að kraftmiklum einstaklingi í krefjandi starf verkefnastjóra sem vinnur að fjölbreyttum verkefnum Jarðvangsins.

Starfið er fjölbreytt og spennandi í umhverfi þar sem sjálfstæði og frumkvæði í starfi er nauðsynlegt. Reykjanes UNESCO Global Geopark er sjálfseignarstofnun fjögurra sveitarfélaga og fimm hagsmunaaðila sem eru aðilar að stofnuninni. Sveitarfélögin fjögur eru Grindavíkurbær, Reykjanesbær, sameinað sveitarfélag Garðs og Sandgerðis og Sveitarfélagið Vogar.
Ásamt sveitarfélögunum eru Heklan – atvinnuþróunarfélag Suðurnesja, Ferðamálasamtök Reykjaness, Bláa Lónið, Þekkingarsetur Suðurnesja og HS Orka aðilar að Reykjanes Geopark.

HELSTU VERKEFNI:
• Ábyrgð á gerð rekstrar- og stjórnunaráætlun fyrir jarðvanginn
• Umsjón með uppbyggingu ferðamannastaða á vegnum jarðvangsins
• Gerð umsókna í sjóði t.d. Uppbyggingarsjóð ferðamannastaða
• Gerð fræðsluefnis
• Innlend og erlend samskipti er tengjast jarðvanginum
• Markaðs- og kynningarmál jarðvangsins

HÆFNISKRÖFUR:
• Háskólapróf sem nýtist í starfi, en háskólapróf í jarðfræði eða landafræði er kostur
• Lipurð í mannlegum samskiptum
• Frumkvæði og sveigjanleiki í starfi
• Gott vald á íslensku og ensku
• Færni og geta til að taka þátt í alþjóðlegu samstarfi
• Reynsla af kennslu og/eða gerð fræsluefnis er kostur
• Reynsla af rekstri er kostur

Um fullt starf er að ræða og fara launakjör eftir samningum BHM og Sambands íslenskra sveitarfélaga.

Umsóknir m.a með upplýsingum um menntun og starfsreynslu sendist á netfangið sss@sss.is eigi síðar en 1. október 2018.

Nánari upplýsingar veitir Berglind Kristinsdóttir framkvæmdastjóri Sambands sveitarfélaga á Suðurnesjum berglind@sss.is.
Einnig er hægt að kynna sér starfsemi Jarðvangins á reykjanesgeopark.is eða senda fyrirspurnir á eggert@heklan.is.